Neidio i: Cynnwys y tudalen Neidio i: Dewislen yr adran

Bwyta’n Iach

Rydym yn ymroddedig yn Nhir na n-Og i ddarparu diet maethlon cytbwys er mwyn helpu datblygu iechyd, twf a lles y plant.

Cogydd hyfforddedig

Mae gennym gogydd hyfforddedig sy’n paratoi ac yn coginio pob pryd ar y safle gan ddefnyddio cynhwysion ffres. Mae ffrwythau/llysiau wedi eu cynnwys ym mhob byrbryd a phob pryd o fwyd. Ni ddefnyddir fawr ddim halen, siwgr ac ychwanegion. Mae dewisiadau llysieuol ar gael ac mae ffrwythau ffres/iogwrt bob amser ar gael fel dewis arall i bwdin.

Rydym yn annog plant i yfed dŵr yn ystod y dydd. Cynigir llefrith i’r plant adeg y byrbryd bore a chynigir dŵr gyda chinio a’r byrbryd yn y prynhawn.

Ofynion dietegol arbennig

Darperir ar gyfer unrhyw ofynion dietegol arbennig a dilynir rhaglenni diddyfnu yn unol â dymuniadau’r rhieni a chanllawiau’r Awdurdod Iechyd.

Safonau Diogelwch Bwyd Rhagorol

Rydym yn ymfalchïo yn y ffaith ein bod wedi derbyn Gradd 5 – yr achrediad uchaf posibl a ddyfernir gan yr Asiantaeth Safonau Bwyd.

Ein bwyd

Darperir yr holl fyrbrydau a phrydau bwyd ym Tír na nÓg ac maent wedi eu cynnwys yn y ffioedd.

Site footer